Një modele braziliane e cila dikur ka pushtuar kopertinat e revistave më të mëdha në botë si: Elle, Grazia dhe Glamour është parë duke u endur rrugëve të një lagjeje të varfër në Rio de Janeiro.
Eloisa Pinto Fontes, 26-vjeç, nga shteti Alagoas në Brazil, u pa në një lagje të varfër në Rio më 6 tetor. Ajo u gjet duke u endur rrugëve pa këmishë dhe pa këpucë, ndërsa ishte zhdukur që prej qershorit të vitit 2019 në New York.
Familja e modeles kishte humbur kontaktet me të dhe kishin qenë në kërkim të saj që prej vitit të kaluar. Ajo nuk e kishte informuar familjen për vendndodhjen e saj, të cilët jetojnë në një pjesë tjetër të Brazilit.
Sipas mediave të huaja, Fontes qëndroi me shoqen e saj kur ajo mbërriti për herë të parë në Rio dhe përfundimisht u transferua tek i dashuri i saj, me të cilin romanca zgjati për rreth katër muaj./Re.Gu/Fjala.al