Dita e nesërme shënon ditën e fundit të aplikimit për te gjithë maturantët që duan të vazhdojnë studimet ushtarake në Akademinë e Forcave të Armatosura.
Ministrja e Mbrojtjes Olta Xhaçka ka ftuar të gjithë maturantët dhe të rinjtë që kanë dëshirë të bëhen pjesë FA-së të aplikojnë pasi afati i fundit është nesër në 14 tetor 2020.
“I dashur maturant, nëse ende nuk je regjistruar në një program studimi, bëhu pjesë e Forcave të Armatosura. 14 tetori është afati i fundit për këdo që do të nisë studimet bachelor në AFA, në shkencat ushtarake”, shkruan në Facebook ministrja e Mbrojtjes Olta Xhaçka. Ajo sqaron se të rinjve u ofrohet: “Pagesë mujore ndihmuese gjatë periudhës së studimeve në AFA. Akomodim dhe ushqim falas për tre vitet e studimit. Tarifë studimi zero lekë në vit si dhe punësim i sigurtë pas përfundimit të studimeve”, shkruan Xhaçka.
Studimet për në Akademinë e Forcave të Armatosura fillojnë në 2 nëntor të këtij viti dhe janë 60 kuota të lira për të rinjtë që duan të jenë pjesë e këtyre strukturave. /Ra.My.Fjala.al/
