Pas shumë hipotezash se vitamina D mund të mbrojë njerëzit nga Covid-19, më në fund mjekët në Britaninë e Madhe po nisin një studim për këtë.
Studiuesit në Univeristetin Queen Mary të Londrës do të rekrutojnë 5000 vullnetarë të cilët do të marrin vitaminën për gjashtë muaj dhe më pas do të vlerësojnë nëse këta persona rrezikohen të infektohen nga Covid-19 gjatë muajve të dimrit.
Ndërkohë nga studimet e mëparshme ka rezultuar se një pjesë e personave të infektuar me Covid-19 kanë pasur një mungesë të theksuar të vitaminës D dhe kjo ka shtyrë më shumë studiuesit që të nisin këtë studim.
Britanikët janë shumë të rrezikuar pasi duke filluar nga muaji tetor deri në prill vendi nuk ekspozohet shumë nga rrezet e diellit. Rreth dy në pesë britanikë që kanë problem me frymëmarrjen gjatë dimrit, kanë një mungesë të vitaminës D.
Ndërkohë studiuesit nga Universiteti i Brighton u ka bërë thirrje qytetarëve të sigurohen që të marrin sa më shumë vitaminën e diellit./Re.Gu/Fjala.al
