7332 raste të reja dhe 43 viktima janë shënuar në 24 orët e fundit në Itali. Kjo është shifra më e lartë e regjistruar që nga data 21 mars ku u shënua piku me 6557 të infektuar në 24 orë.
Kështu, numri total i të infektuarve ka shkuar në 372 799, ndërsa numri i viktimave 36,289.
Në 24 orët e fundit Ministria e Shëndetësisë thotë se 25 pacientë të rinj janë shtruar në kujdes intensiv dhe tashmë gjithsej janë 539 persona në kujdes intensiv dhe 5,470 të shtruar në spital me simptoma. Sa i përket rajoneve kishte një rritje të rasteve të reja në Lombardi (+1844), 818 në Campania, 657 në Veneto. Rajoni me më pak raste pozitive në 24 orë është Bazilikata (+9).
Ndërkohë, ditën e djeshme në shtetin fqinj u shënuan 41 viktima dhe 5901 raste të reja.
Pa.Va/Fjala.al
