Arben Hasanaj, babai i 19-vjeçarit i cili kreu atentatin kundër shefit të Policisë Bashkiake në Malësinë e Madhe i ka bërë thirrje të birit të dorëzohet.
Nëpërmjet një posimi në Facebook, babai i Ilirian Hasanajt shkruan se ka ardhur në Shqipëri për të dhe i kërkon të dorëzohet në pikën më të afërt policore.
“Thirrje publike
Drejtuar djalit tem Ilirianit te dorezohesh nje ore e me pare ne Drejtorin, komisariatin, apo piken me te afert te policise se shtetit.
I lutem çdo njeriu qe din apo ka dieni te me njoftoje.?
Baba i jot te pret nje ore e me pare kam ardh jam ne shqiperi.
Baba te ka shpirt” shkruan babai i 19-vjeçarit.
Tre ditë më parë (11 tetor 2020) shefi i Policisë Bashkiake në Malësi të Madhe, Mentor Hasanaj, së bashku me babin e tij, mbetën të plagosur pas një atentati me armë zjarri përgjatë aksit rrugor Shkodër-Koplik.
Policia identifikoi dhe shpalli në kërkim si autor të kësaj ngjarje, Ilirian Hasanaj 19 vjeç.
Rreth 6 orë pas ngjarjes, u gjet motori pa targa që 19-vjeçari përdori në atentat, një skafandër dhe sende të tjera. /Ra.My.Fjala.al/
