Kryeministri Edi Rama, ka përshëndetur vendimin e ILD e cila ka kërkuar shkarkimin nga detyra i gjyqtarit Markelian Kuqo.
Rama shkruan se se përshëndet kallëzimin, duke e quajtur gjyqtarin një të paudhë që ka sfiduar hapur popullin dhe drejtësinë, duke liruar një dënuar me burgim të përjetshëm.
“Përshëndes Inspektorin e Lartë të Drejtësisë për kallëzimin e një të paudhi me çyrk gjykatësi që ka sfiduar hapur drejtësinë dhe popullin, duke liruar një të dënuar me burgim të përjetshëm! Më në fund një hap i vonuar në rrugën e duhur të vendosjes së drejtësisë në drejtësi”, shkruan Rama.
Ndërkohë më parë, kreu i Inspektoratit të Lartë të Drejtësisë, Artur Metani ka kërkuar shkarkimin nga detyra i gjyqtarit Markelian Kuqo. Sipas Metanit gjyqtari ka vepruar me dashje, dhe në mënyrë të vullnetshme për vendimet e tij duke liruar padrejtësisht nga burgu Gerd Gjinararin të dënuar për vrasjen e grupeve rivale më 1997.
Ndërkohë sot në KLGJ është zhvilluar seanca për gjyqtarin Markelian Kuqo. Në seancën Artur Metani tha se Kuqo ka shtrembëruar me dashje faktet.
Mirëpo, një gjë e tillë është mohuar nga vetë gjyqtari i cili tha se ka zbatuar ligjin, duke e cilësuar si të padrejtë kërkesën për shkarkimin e tij.
la.mi/Fjala.al
