Presidenti Ilir Meta ka publikuar analizën e Pëllumb Nako, botuar në Panorama, me titull “Kanabisi, nga krim në plagë sociale”, dhe thotë se shpërthimi i kanabisit “në vit zgjedhor është traditë e njohur”, teksa thekson se bosët e vërtetë “kurrë nuk preken”.
“Kanabisi përdoret si mjet përfitimi për grupet kriminale që marrin përsipër kontrollin elektoral të qarqeve të caktuara por edhe si mjet shantazhi ndaj shumë hallexhinjve që në mungesë të mbështetjes shtetërore janë të detyruar të bëhen punëtorë të këtyre grupeve kriminale”, shkruan Meta në statusin e tij.
Më tej ai shton se, “Bosët e vërtetë kurrë nuk preken por shpesh për të prodhuar statistika fiktive, arrestohen gra dhe burra të moshuar si grup i strukturuar kriminal”.
Ditët e fundit, Policia e Shtetit pretendon se mbjellja dhe kultivimi i kanabisit në vend është ulur, ndërsa janë akuzuar edhe mediat se po publikojnë pamjet e arkivës si pamje aktuale./Bl.Ba/Fjala.al
https://www.facebook.com/ilirmetazyrtar/posts/3443459612366954
