Mëngjesin e sotëm kryeministri Rama nëpërmjet një postimi në facebook ka rikujtuar “Gripin Spanjoll” pandeminë e vitit 1918 ku u infektuan 500 milionë persona dhe vdiqën rreth 50 milionë njerëz.
“Mirmëngjes dhe me këtë album të vitit 1918, kur pandemia zgjati 2 vjet, pati 3 valë, infektoi 500 milionë persona, vrau 50 milionë njerëz, prej të cilëve pjesën dërmuese gjatë valës së dytë, si pasojë edhe e mosrespektimit masiv të rregullave pas hapjes së parë”, ka shkruar Rama në facebook.
Kreu i qeverisë nëpërmjet këtij postimi të cilin e ka shoqëruar dhe me foto nga viti 1918 i ka kujtuar dhe një herë qytetarëve që nga sot, maska është e detyrueshme kudo jashtë shtëpisë.
Ditën e djeshme drejtoresha e ISHP-së bëri të ditur se është miratuar “Udhëzuesi mbi përdorimin e detyrueshëm të maskave në ambientet jashtë shtëpisë”, që paraqet kriteret e përgjithshme, rregullat dhe përjashtimet për përdorimin e barrierave mbrojtëse.
Nga sot është vendosur është vendosur 3 mijë lekë gjobë për këdo që nuk vendos maskën jashtë shtëpisë dhe 5 mijë lekë në rast përsëritje.
Të gjithë qytetarët duhet të kenë parasysh që nëse kapen pa kartë identiteti do të shoqërohen në komisariat./Jo.Be/Fjala.al
