Ministri i sportit në itali, Vincenzo Spadafora ka sulmuar ashpër Cristiano Ronaldon për mosrespektimin e rregullave anti-Covid nga ylli portugez.
Në një lidhje telefonike me ANSA, Spadafora e quajti Ronaldon arrogant dhe mosrespektues të rregullave.
“Fama dhe aftësitë e lojtarëve të caktuar nuk i autorizon ata të jenë arrogantë, mosrespektues të institucioneve dhe të gënjejnë: përkundrazi, sa më shumë që njihen, aq më shumë duhet të ndiejnë përgjegjësinë të mendojnë para se të asin dhe për të dhënë një shembull të mirë.
Nuk kam ndërmend të vazhdoj për një kohë të pacaktuar për këtë çështje. Konfirmoj atë që thashë dje në lidhje me braktisjen e hotelit nga disa lojtarë të Juventusit, bazuar ndër të tjera në komunikimet e klubit me ASL të Torinos. Unë nuk do të ndërhyj më shumë në lidhje me temën dhe i përsëris dëshirat e mia për një shërim të shpejtë për të gjitha rastet pozitive” u shpreh Spadafora.
Cristiano Ronaldo u infektua me Covid-19, në datën 13 tetor dhe një ditë më pas udhëtoi drejt Torinos duke shkelur rregulloren. Kjo gjë shkaktoi shumë polemika në Itali.
Pa.Va/Fjala.al
