Erling Haaland, Kylian Mbappe dhe Eduardo Camavinga janë tre objektivat e Real Madrid në merkato.
Madrilenëve duket se po u mungon dominimi në Europë dhe dëshirojnë që të rikthehet sa më shpejt në krye të saj.
Sipas gazetës prestigjoze “AS” , prioritetet e Los Blancos për vitin 2021 janë blerjet e mesfushorit Eduardo Camavinga nga Rennes dhe sulmuesve Kylian Mbappe e Erling Haaland respektivisht nga Paris Saint-Germain dhe Borussia Dortmund. Gjasat që transferimi i Mbappe të bëhet realitet janë rritur ndjeshëm pasi edhe ky i fundit ka refuzuar rinovimin me PSG.
Por kampionët e Spanjës nuk e duan Mbappe-në ‘të vetmuar’ në sulm, si blerja e vetme në merkato për këtë repart. Në fakt, klubi Merengues dëshiron një dyshe yjesh Mbappe-Haaland, edhe pse sipas AS, të paktën deri në vitin 2022 do të jetë e vështirë që sulmuesi i Borussia Dortmund, të blihet.
Emri i Kylian Mbappe është përfolur edhe në të shkuarën me një transferim në Madrid, por ka qenë sulmuesi francez ai i cili ka pretenduar se është shumë shpejt që ai ta bëntë këtë lëvizje.
Pa.Va/Fjala.al
