Një peshkatar indian u shokua kur arriti të kapte një peshkaqen mutant me dy koka.
Nitin Patil po peshkonte në ujërat e Maharashtrës, në Indinë perëndimore, kur në rrjetën e tij ra një i vogël peshkaqeni i cili kishte dy koka. Pa e kuptuar sa e rrallë ishte krijesa, Patil i bëri disa fotografi krijesës dhe e lëshoi sërish në ujë.
“Ne nuk hamë peshq të tillë të vegjël, veçanërisht peshkaqenë, kështu që mendova që ta hidhja sërish në det”, tha ai.
Por shumë shpejt ai mësoi se sa e rrallë ishte krijesa. Doktor KV Akhilesh, i Këshillit indian për Kërkime të Peshkimit Detar, u shpreh se gjetja e një krijese të tillë është shumë e rrallë.
“Një peshkaqen i ngjashëm me dy koka u raportua në Gujarat në 1964, e ndërsa një tjetër u pa në vitin 1991 në Karnataka.” , u shpreh Akhilesh.
Nga ana tjetër Akhilesh beson se janë një sërë faktorësh që mund të kenë çuar në këtë mutacion të peshkaqenit.
“Çrregullime gjenetike ose metabolike, viruset dhe ndotja e deteve mund të jenë faktorët që kanë ndikuar në këtë mutacion. Sidoqoftë shanset që peshkaqeni të mbijetojë janë shumë të ulëta”, shpjegon Akhilesh./Re.Gu/Fjala.al
