Ministri i Brendshëm, Sandër Lleshaj ka reaguar për numrin e lartë të gjobave të vendosura nga policia sot për mosmbajtjen e maskës nga qytetarët.
Lleshaj shkruan ndër të tjera se policia është e detyruar nga ligji dhe mbajtja e maskës është gjëja më e vogël por dhe më e madhe që mund të bëjnë qytetarët.
“Mbajtja e maskës është sot gjëja më e vogël, por edhe më e madhe që secili mund të bëjë për të frenuar rrezikun e përbashkët që na vjen nga Covid-19. Policia është e detyruar nga ligji, por dhe shumë e motivuar për të kërkuar zbatimin e kërkesës për mbajtjen e maskës. Këtu përfshihet shembulli personal, këshillimi, por dhe gjoba për ata që sillen pa përgjegjësi dhe sfidojnë shoqërinë.”, shkruan Lleshaj.
Që nga data 15 tetor kur me vendim qeverie nisi zyrtarisht mbajtja e maskës me detyrim dhe deri sot janë gjobitur me 30 mijë lekë të vjetra 2811 qytetarë në të gjithë vendin.
Pa.Va/Fjala.al
