Koronavirusi COVID-19 është shfaqur për herë të parë në qytetin Vuhan të Kinës, në fund të vitit të kaluar.
Tashmë numri global i rasteve të konfirmuara me këtë virus kaloi shifrën 40 milionë personave.
Sipas të dhënave të Universitetit Johns Hopkins, të cialat bazohen në raportimin zyrtar të vendeve veç e veç dhe numri i përgjithshëm i viktimave shënoi mbi 1.1 milion, ndërsa i të shëruarve prej këtij virusi të rrezikshëm është mbi 27.5 milionë.
Megjithatë, ekspertët besojnë se numri i vërtetë i rasteve dhe viktimave ka të ngjarë të jetë shumë më i lartë. Këtu merret parasysh mungesa e testimeve dhe raportimi i dobët nga disa vende.
Që nga shpërthimi në kinë, virusi është përhapur në gati 200 vende të botës.
Shtetet e Bashkuara janë vendi më i prekur në botë, me mbi 8.1 milionë njerëz të infektuar dhe mbi 219,000 viktima.
Në Evropë, Spanja prin me numërin e të infektuarve: mbi 936,000, ndërsa Mbretëria e Bashkuar me numër të viktimave: mbi 43,000.
Sipas Qendrës Evropiane për Parandalimin dhe Kontrollin e Sëmundjeve, Republika Çeke ka aktualisht shkallën më të rëndë të infektimit në Evropë, me mbi 660 të infektuar në 100,000 banorë, gjatë 14 ditëve të fundit. Ru. Do/ Fjala.al
