Në luftën kundër ngrohjes globale na ndihmon një “mik” nga hapësira

113 563 lexime

124,178FansaPëlqeje

Një satelit vrojtues i tokës pritet të niset drejt hapësirës nga Kalifornia muajin që vjen. Sateliti që është prodhim evropian do të dërgojë në tokë vlerësimet më të sakta ndonjëherë për nivelin e ujërave, duke ndihmuar shkencëtarët të studiojnë gjendjen e oqeaneve si pasojë e ndryshimeve klimatike.

Vendi që shtrihet përgjatë Oqeanit Indian, Maldive përbëhet nga 1 mijë e 200 ishuj. Pjesa më e madhe e tyre ndodhen pak mbi nivelin e oqeanit. Ky është një tregues se një ditë ishujt Maldive mund të zhduken krejtësisht.

Rritja e nivelit të detit shkaktohet nga ngrohja e oqeaneve dhe shkrirja e akullnajave. Shkencëtarët thonë se edhe ndryshimet e vogla të nivelit të detit mund të çojnë në vërshime.

Sateliti i ndërtuar në Evropë që njihet me emrin Sentinel-6, është projektuar që të kryejë matje precize të ndryshimeve në nivelet detare.

Krijuesit e tij bënë provat e fundit vitin që shkoi në Gjermani, përpara se të dërgohej drejt bazës së forcave ajrore Vandenberg në Kaliforni, prej nga më 10 nëntor do të lëshohet drejt hapësirës.

“Niveli i detit është simptomë e drejtpërdrejtë e ngrohjes globale, prandaj është e rëndësishme të matet me saktësi. Rritja e nivelit të detit lidhet me shkrirjen e akullit në pole, ka të bëjë me akumulimin e nxehtësisë së oqeaneve. Prandaj Sentinel-6 është i rëndësishëm për shoqërinë“, thotë Pierrik Vuilleuimer, menaxher i projektit “Sentinel-6”.

Misioni vjen si bashkëpunim midis agjencive të ndryshme si ajo Evropiane e Hapësirës, ajo amerikane NASA dhe Administrata amerikane e Oqeaneve dhe Atmosferës (NOAA).

“Kemi nevojë që bashkëpunimi të vazhdojë sepse kështu sigurojmë matjet kryesore për ndryshimet e klimës dhe prirjet që jemi duke i grumbulluar që nga viti 1992. Pra kjo bën që të kuptojmë më mirë ngrohjen e oqeaneve dhe shkaktarët e rritjes së temperaturave duke na ofruar të dhëna se për sa mund të ndryshojë niveli i detit në të ardhmen”, thotë Sandra Kaufmann, Drejtore e Sektorit të Shkencës së Tokës në NASA.

Lexo edhe :  “Molla e ndaluar”/ TikTok shikohet tre herë më shumë pas vendimit për bllokim

Misioni i parë i vëzhgimit me satelit zgjat pesë vite e gjysmë. Një satelit i njëjtë, i quajtur Sentinel-6B, pritet të niset drejt hapësirës më 2025, duke u ofruar shkencëtarëve të dhënat e ndryshimeve klimatike gjatë 10 viteve./voa/

la.mi/Fjala.al

Të fundit

‘S’ka BE me qeveri që ka një këmbë në burg’/ Basha prezanton ekipin kundër korrupsionit

Drejtuesi politik i Koalicionit Euroatlantik, Lulzim Basha, zhvilloi sot një takim me qytetarë dhe strukturat e Degës 5 në Tiranë,...

Ambasada Amerikanë në Tiranë: Mos i beso askujt që të premton vizë me lekë

Ambasada Amerikane në Tiranë, për të disatën herë, lajmëron shtetasit shqiptarë që të bëjnë kujdes me marrjen e vizave për në SHBA-, duke mos...

Djali i Ilir Metës bën fushatë për të atin, Monika Kryemadhi: Ti po tregon burrëri!

Presidenti i Partisë së Lirisë Ilir Meta, edhe pse në burg po kandidon në listat e hapura në qarkun e Tiranës. Monika Kryemadhi ka ndarë...

E trishtë/ Aktorja e madhe Tinka Kurti përfundon në shtëpinë e të moshuarve

Në spektaklin e mbrëmjes së djeshme, Laerti u surprizua nga aktorja e madhe, Tinka Kurti dhe nga aktori Helidon Fino. Në rrëfimin e tij të...

Këmbimi valutor 6 prill, 2025/ Me sa blihen e shiten dollari dhe euro sot

Ditën e sotme në tregun valutor, monedha euro do të këmbehet me 98.7 lekë në blerje dhe 99.5 lekë në shitje. Dollari amerikan blihet me...

Lajme të tjera

Web TV