Reperi i njohur, Travis Scott, është duke e rritur vajzën e tij Stormi Webster që të bëhet një femër e fortë dhe e aftë.
Travis dhe Kylie nuk janë më në lidhje por ata bëjnë përpjekje për të qenë gjithmonë pranë vajzës së tyre.
Reperi ndërkohë së fundmi ka folur në lidhje me mendimet e tij për rritjen e të bijës dhe se si ai do të donte që ajo të rritej.
Në WAV Radio me Chase B, Travis tregoi se ai dhe Kylie po mundohen të bëjnë gjithçka që ajo të bëhet një grua e fortë, e sigurt dhe e aftë.
“Ndjehem sikur është mënyra më e rëndësishme tani për të mbrojtur vajzat, gratë e reja që janë me ngjyrë dhe për t’u siguruar që ata kanë njohuri se si të mbajnë veten, si të lëvizin në këtë botë, si të jenë të forta, si të mos tremben. Tani më shumë se kurrë, ato duhet të kenë një vizion”, shpjegoi artisti i “Astroworld”.
Ai shpjegoi se gjithmonë dëshiron që Stormi të jetë ‘e vetëdijshme për atë që po ndodh në botë’. Travis vazhdoi, “Si prind, unë jam gjithmonë duke i dhënë asaj njohuri, madje edhe në këtë moshë”. Ka.Li/fjala.al
