Zbulimi i një 14-vjeçarje nga Texasi mund të revolucionariozjë mënyrën e trajtimit të koronavirusit.
Mësohet se falë një pune për identifikimin e një ilaçi për të trajtuar COVID-in, ajo arriti të fitojë konkursin 3M Young Scientist Challenge, duke arritur të fitojë një çmim prej 25 mijë dollarësh.
Anika Chebrolu, është emri i saj, e cila ia doli të identifikojë një molekulë që lidhet me një proteinë të virusit SARS-CoV-2 dhe që mendohet se mund të parandalojë virusin të funksionojë.
E intervistuar nga CNN, Anika Chebrolu deklaroi se e nisi këtë kërkim për të luftuar virusin e gripit, por më vonë, fokusi i studimi ndryshoi pas fillimit të pandemisë.
“Gjatë ditëve të fundit kam vënë re shumë publicitet rreth projektit tim, pasi pjesë e këtij projekti është virusi dhe për rrjedhojë pasqyron shpresat tona për t’i dhënë fund kësaj pandemie, pasi unë, si gjithë të tjerët, dua që së shpejti të kthehemi në jetën tonë normale”, deklaroi ajo.
14-vjeçarja arriti të zbulojë molekulën në një bazë të dhënash me mbi 682 milion përbërje.
“Mënyra se si unë do ta zhvilloj më tej këtë molekulë, do jetë bashkëpunimi me shumë virologë dhe specialistë të zhvillimit të ilaçeve, por që më vonë do të përcaktohet edhe suksesi i këtyre përpjekjeve”, tha Chebrolu./Re.D/Fjala.al
