Dhjetëra mijëra njerëz marshuan në Minsk dhe qytete të tjera të Bjellorusisë, duke kërkuar dorëheqjen e udhëheqësit autoritar, Alyaksandr Lukashenka, pavarësisht kërcënimit të Ministrisë së Brendshme se do të përdorë forcën vdekjeprurëse.
Autoritetet vendosën kamionë ushtarakë dhe topa uji në Minsk, por u përmbajtën në masë të madhe nga përdorimi i tyre në protestën e së dielës mbrëma.
Grupi i të drejtave të njeriut Vyasna tha se së paku 200 njerëz janë arrestuar në Minsk dhe rreth 30 të tjerë në qytetet rajonale.
Zëdhënësja e Ministrisë së Brendshme, Volha Chemodanova, i tha AFP-së se pjesëtarët e zbatimit të ligjit qëlluan me plumba gome, si paralajmërim për protestuesit që hodhën gurë ndaj policisë.
Kazakevich tha se protestuesit janë bërë “jashtëzakonisht radikalë”.
Disa ditë para tubimit, zëvendësministri i Brendshëm i Bjellorusisë, Gennady Kazakevich, kërcënoi me përdorimin e armëve vdekjeprurëse kundër protestuesve, nëse, siç tha, është e nevojshme. Ru. Do/ Fjala.al