25 shtetas shqiptarë janë riatdhesuar në Shqipëri ditën e sotme pasi iu është refuyuar kërkësa për azil në Francë.
Këta shtetas shqiptarë kanë qëndruar në Lille të Francës, ndërkohë që ditën e sotme është kryer procesi i riatdhesimit.Ky operacion është zhvilluar në bazë të një marrëveshjeje me autoritetet përkatëse të BE-së dhe çdo grup të riatdhesuarish shoqërohet me një ekskortë të Policisë Shqiptare.
Në njoftimin e policisë iu bëhet thirrje të gjithë shtetasve shqiptarë të cilët udhëtojnë për në vendet e Bashkimit Europian, se duhet të respektojnë rregullat e lëvizjes në hapësirën Schengen , dhe se nuk duhet të kërkojnë azil, pasi shanset për ta fituar janë zero.
Kjo çështje ka bërë që edhe Policia Kufitare të shtojë kontrollet në pikat e doganore, për dokumentacionin dhe plotësimin e kushteve që udhëtarët duhet të përmbushin për të kaluar në vendet e BE-së. /Ra.My.Fjala.al/
