Sanitarja e kopshtit nr.3 në qytetin e Fierit ka rezultuar e infektuar me Covid-19.
Pas simptomave të para, të ngjashme me koronavirusin sanitarja ka kryer tamponin dhe ka rezultuar e infektuar.Menjëherë pas përgjigjes së tamponit është mbyllur kopshti i fëmijëve dhe janë lajmëruar të gjithë prindërit.
Ka filluar gjithashtu edhe hetimi epidemiologjik i të gjithë kontakteve që sanitarja ka patur me familjarët e saj, stafin dhe fëmijët.Deri më tani asnjë fëmijë apo pjesëtar tjetër i stafit nuk ka paraqitur simptoma të koronavirusit, e kjo mbyllje e kopshtit, për një javë, është bërë si masë sigurie. Ambientet e kopshtit janë dezinfektuar, dhe ky proces do të kryhet çdo ditë.
Për shkak të infektimit të edukatoreve dhe punonjësve me COVID -19, 4 kopshte janë mbyllur ditën e sotme, konkretisht një në Tiranë, një në Vlorë, një në Fier dhe një në Pogradec.
Në të 4 kopshtet e mbyllura janë infektuar 7 edukatore dhe 6 sanitare, ndërsa pjesës tjetër të stafit të këtyre kopshteve të mbyllura po u bëhet tamponi.
/Ra.My.Fjala.al/
