Ambasadori i Gjermanisë, Peter Zingraf ka folur nga qyteti i Shkodrës për integrimin e Shqipërisë në Bashkimin Evropian.
Zingraf është shprehur që Shqipëria ka bërë hapa përpara dhe ka marrë një ‘Po’ për bisedimet për anëtarësim në BE.
Dyert për Shqipërinë kancelarja i ka të hapura dhe ne po punojmë intensivisht për këtë temë është shprehur më tej ambasadori Zingraf.
“Unë mendoj që përqendrimi i presidencës gjermane tek Covid dhe kjo situatë nuk ka qenë negative për Shqipërinë, por pozitive. Një BE e fortë, një partner më i fortë për Shqipërinë”, deklaroi Zingraf.
Shqipëria ka shumë për të bërë theksoi gjatë fjalës së tij ambasadori Zingraf.
“Janë disa kushte për t’u plotësuar. Këtë gjë nuk duhet t’a bëjë për Brukselin apo Berlinin, por për vete siç është Gjykata e Lartë dhe kushtet e tjera”, tha ndër të tjera Zingraf./Jo.Be/Fjala.al
