Kryeministri Edi Rama ka ironizuar sërish presidentin Ilir Meta, duke thënë se ai nuk lë as të vdekurit rehat.
Ai nuk kurseu as kritikat për Partinë Demokratike, duke u shprehur se ata nuk kanë ndryshuar asgjë dhe pretendojnë të qeverisin.
“Ça kërkon Ilir Meta që nuk lë as të vdekurit rehat, e jo më të gjallët. E bëj këtë pyetje jo për Metën si person, por për fenomenin e tmerrshëm të mos ndaljes në të parti dhe trajtuarit të Shqipërisë si plaçkë dhe shqiptarët mish për top. Si mund të thotë PD që jam gati të qeverisë, kur nuk ka reflektuar asgjë, të njëjtat njerëz, të njëjtin ide, në ndryshim që në vend të liderit është një dezhurn, është një bosh. Nuk e kemi betejën me ta, kundërshtarët tanë, nuk janë ata. Ata janë kundërshtarët e Shqipërisë. Kundërshtarët tanë janë ato ndjenja vetëkënaqësie, vetëmjaftueshmërie, vetë përmbushje që të pengojnë të shohësh shumë më tutje kur je i pari”, tha Rama ndër të tjera.
Këto deklarata kreu i qeverisë i bëri nga oborri i inceneratorit të Elbasanit, i cili ka qenë në qendër të sulmeve të opozitës ditët e fundit.
Pa.Va/Fjala.al
