Deputeti i opozitës parlamentare Halit Valteri ka ngritur si shqetësim çështjen e emigrantëve sirianë në vendin tonë duke i cilësuar si një rrezik për shoqërinë.
Teksa ka folur nga Kuvendi ai shpreh se Ministria e Mbrojtjes duhet të angazhohet për ti siguruar këtij grupi emigrantësh ushqim dhe veshmbathje, sepse shpesh herë ata e gjejnë veten në grupe dhe banda kriminale.
“Emigrantët sirianë janë bërë një problematikë e madhe në rrugët e qytetit tonë ku shpesh herë bëhen pjesë e grabitjeve, ku shpeshherë bëhen objekt trafikimi nga grupe të ndryshe apo pjesë e bandave në vendin tonë.
Ky problem i duhet adresuar Ministrisë së Mbrojtjes që të marrë masat duke i siguruar ushqim dhe veshmbathje sepse ata vendin tonë e përdorin tranzit për të kaluar në vendet Evropiane.
Por kjo përbën një rrezik për venin tonë dhe shtëpitë tona. Jemi të rrezikuar me praninë e tyre”, përfundon fjalën Valteri./Bl.Ba/Fjala.al
