Abuzimi dhe bullizimi televiziv e politik

124,178FansaPëlqeje

Nga Xhoi Jakaj

Ka nisur prej ditësh fyerja poshtërimi dhe bullizmi mes politikanëve, po rëndon ata, apo popullin e thjeshtë, sigurisht ky i fundit i vuan pasojat, sepse ata, edhe kur bullizojnë njëri-tjetrin, kanë një qëllim pas kuintave. Një as nën mëngë e ruajnë gjithnjë.

Bullizmi është një dhunë psikologjike ose fizike, e ushtruar vazhdimisht nga një grup individësh kundrejt një individi tjetër ose një person i vetëm bullizon vazhdimisht. Kolegët, ortakët, gazetarët, partnerët me shprehjet ‘ti nuk di asgjë’, ‘ti je kazan’, ‘por fitimet e plehrave i përfitoj unë pa kazanin’, ‘ti je i paditur’, ‘i korruptuar’, ‘i ke bërë dëm vendit’ etj., etj. …

Lexo edhe : Fredi Beleri, një hajdut dhe vrasës që përkrahet nga poltika greke

Dhuna është një shkelje e të drejtave të njeriut që shoqërohet me probleme shëndeti, por kur ajo është në nivele shtetërore, shkakton edhe dëme ekonomike dhe kultivohet nga lart poshtë, në mënyrë sistematike.

Asnjë shtet nuk mund të arrijë një edukim cilësor, të fëmijëve, adoleshentëve ose të rinjve në një rrafsh gjithëpërfshirës dhe të barabartë, nëse kryetarët e shtetit opozitës dhe pushtetit vendor e zhvillojnë dhunën në mënyrë permanente në televizion dhe rrjete sociale.

Bullizmi dhe abuzimi ngjajnë shumë e janë të përhapur tej normave të lejuara shoqërore vitet e fundit. Nuk dëgjon tek asnjë politikan projekte për të papunët, të varfrit, uljen e varfërisë, zhvillimin e projekteve arsimore, kulturore apo sportive për të rinjtë që t’i largohen dhunës, duhanit, drogës e ikjeve masive nga vendi. Por në çdo dalje televizive bullizojnë njëri-tjetrin me termat: Hajdut, kastravec, shalqi me provë ose pa provë.

Kujdesi duhet të fillojë që në kopsht, të shtrihet në shkollat fillore dhe ato 9-vjeçare, me një program të detajuar me projekt nga shoqatat ose shteti me një grup profesionistësh, sepse parandalimi është më i lehtë se shërimi, e jo të shtrihet në të gjitha sferat e shoqërisë, kryesisht nga kupola shtetërore, kur në thelb ata duhet të iniciojnë projekte kundër dhunës e të bullizuarit në grup, e jo zhvillimi i saj të marrë udhë pikërisht nga vetë ata?!

Bullizmi është një dëshirë për ta dëmtuar tjetrin, dëshirë që personit i jep krenari, një veprim që lëndon, një dizbalancë në forcë, një përdorim i padrejtë i forcës, kënaqësi e dukshme e agresorit, si dhe një ndjenjë e përgjithshme e të qenit mbizotërus ndaj viktimës.

A nuk e keni parë shumë shpesh te politika e politikanët tanë këto kohë, a nuk e kemi parë çdo natë në studiot televizive agresionin e hapur në emër të të bërit debat televiziv, por ajo nuk është gjë tjetër veçse një bullizëm i hapur, ku i madh e i vogël i mëshiron ata analistë, por në fakt edhe ndiqen si modele.

Bullying “i shqipëruar do të thotë “kërcënim” dhe tregon fenomenin e sjelljeve të përsëritura, agresive, të dhunshme me karakter psikologjik, fizik, që u bëhet fëmijëve, adoleshentëve të pambrojtur e të vetmuar, por nuk përjashtohen as të rriturit që bullohen, ose i bullojnë të tjerët, si p.sh. një individ ose grup individësh më të mëdhenj, të cilët kërkojnë të diskriminojnë, keqtrajtojnë, abuzojnë. Këtë nocion e kemi dëgjuar shpesh në shkolla, por sot mbizotëron pothuajse në shumë emisione televizive dhe jetën politike shqiptare.

Lexo edhe : Sikur

A nuk keni parë formate ku ka degjenerim të vlerave, në emër të “lirisë së shprehjes”, a nuk shohim thyerje pjatash dhe bullizëm me termin qorre, debile, i paaftë, mediokër, tutkun etj., etj., etj. …

Këta individë agresivë kryejnë bullizëm ndaj “viktimave” të tyre, duke shfrytëzuar formatin ose edhe një panel në një studio televizive, luajnë me pamjen e jashtme, statusin social, përkatësitë racore, ose dhe ato fetare. Bullizmi shfaqet me karakteristika dhe me forma të ndryshme:

1-Bullizmi fizik

Abuzim me anë të dhunës së përsëritur të çdo forme!

2-Bullizmi psikologjik verbal.

Me anë të fyerjes, nofkave, thashethemeve dashakeqe, shpifjeve….

3-Bullizmi social:

Ky në rrjetet sociale ka arritur kulmin e tij, me fyrje kryesisht me adresa false dhe tituj bombastikë, në emër të klikimeve e fitimeve në kurriz të të tjerëve, duke i bullizuar dhe fyer ata ose ato!

4-Bullizmi seksual, që është verbal me anë të fjalëve fyese, provokuese, por edhe fizike me ngacmime seksuale.

5-Bullizmi virtual, me anë të rrjeteve nga keqpërdorimi i tyre për të dëmtuar ‘viktimën’ me postimin e fakteve videove të bëra në momente dobësie, ose nën dhunë, apo thjesht shpifjeve publike.

6-Bullizmi racial nëpërmjet fyerjes dhe dhunës ndaj racës.

7- Bullizmi fetar, duke diskriminuar dhe fyer fenë apo duke e përdorur pa fund një person në emër të fesë deri në vetëflijim të personit apo kthimin e tij në kamikaz.

8-Bullizmi krahinor dhe fyrje e nofka në emër të krahinës nga vjen.

9- Bullizmi televiziv:

Prej disa vitesh në emër të audiencës është shtuar ndjeshëm dhe dukshëm bullizmi në shumë emisione apo formate sezonale. Në emër të rritjes së kurbës së shikueshmërisë, janë gati të ftojnë sherrxhinj, persona pa vlera individuale, vetëm për audience e këtë gjë e justifikojnë me faktin, e kërkon publiku. Po a nuk është detyrë e juaja ta edukoni e jo të çedukoni publikun…?!

10- Bullizmi politik

Ky Bullizëm për momentin ka çorientuar gjithë shoqërinë, e cila për shumë arsye ka një hutim dhe nuk di fare se çfarë të zgjedhë për jetën e saj, e të familjes, sepse ndër vite nuk gjen modele të mira që t’u besojë.

Zhgënjimi që kemi pësuar ka pasoja në jetën e sejcilit prej nesh. Në mbyllje u drejtohem me një thirrje politikës dhe televizioneve shqiptare, që të ulin dozën e dhunës e të bullizimit, pasi po dëmtoni shendetin mendor dhe fizik të të gjithë brezave në këtë vend, nëse ata nuk dëgjojnë kam një thirrje për shikuesin dhe votuesin, ndëshkoji me injorim dhe votim, sepse e ardhmja e fëmijëve tanë ka shumë më tepër rëndësi se politika e çdo lloj partie.

la.mi/Fjala.al

Abuzimi dhe bullizimi televiziv e politik

Të fundit

Nëna i ndërroi jetë një ditë më parë, Dritan Dajti merr pjesë në varrimin e saj

Celine Dion rikthehet magjishëm në skenën e muzikës, mahniten fansat

Orinda e Turi kanë festë: “Kini dashuri, ajo do t’ju bashkojë në mënyrë të përsosur”

Lojërat Olimpike 2024/ Kjo është shqiptarja që do të garojë sot në Paris

“Sa më ka marrë malli”/ Juli prek me postimin për ditëlindjen e të atit, Zef Deda

Lajme të tjera

Web TV

Vdes në moshën 92 vjeçare inxhinieri i fundit i elektrifikimit të...

Mike Tyson, 57 vjeç, do të kthehet në ring

Një duvak i bardhë nga Vranishti në Gostivar

Na ndiqni në

Nëna i ndërroi jetë një ditë më parë, Dritan Dajti merr...