Nesër pritet që presidenti i Serbisë, Aleksandar Vuçiç, të publikojë emrat e kabinetit të ri qeveritar.
Më herët, kryetari i ri i Parlamentit të Serbisë është zgjedhur Ivica Daçiç, i cili deri më tani ka mbajtur postin e ministrit të Jashtëm.
Duke theksuar se ai ka qënë kryeministër i Serbisë, zëvendëskryeministër, ministër i Brendshëm, ministër i Punëve të Jashtme, Daçiç vuri në dukje se funksioni i Presidentit të Kuvendit është më i madhi që ka kryer deri më tani.
Ish-zëdhënësi i Sllobodan Millosheviçit, Ivica Daçiç edhe pse ishte në paraburgim në Hagë në mars 2006 arriti të marrë drejtimin e partisë.
Kujtojmë se një ftesë e Presidentit Aleksandar Vuçiç, kishte entuziazmuar shqiptarët e Luginës së Preshevës që nëse futeshin në qeverinë e re, pretendonin të kishin një Ministri.
Por, pas këtij takimi, ata nuk u ftuan më në kryeqytetin serb për të diskutuar për një mundësi bashkëpunimi.
Kyeministrja Ana Brnabiç, ka ftuar disa parti serbe për konsulta, shefin e socialistëve dhe diplomacisë, Ivica Daçiç dhe një parti të re që ka marrë gati 4 përqind.
Serbia do të ketë një opozitë kryesisht të përbërë vetëm nga pakicat.
Serbia ka mbajtur zgjedhjet më 21 Qershor, ku shqiptarët fituan tre deputetë.
Presidenti Vuçiç ia ka dhënë edhe një mandat Kryeministres aktuale, por duke çuar në limitet ligjore formimin e qeverisë. /Re.D/Fjala.al
