Një 22-vjeçar është arrestuar, pasi tentoi të korruptojë punonjësit e Policisë Kufitare të Rinasit, me qëllim lejimin për të udhëtuar drejt vendeve të BE-së edhe pse nuk kishte dokumentacion të rregullt.
Mësohet se gjatë kontrollit të dokumentacionit dhe intervistimit për qëllimin e udhëtimit në vendet e BE-së, ky shtetas, duke qenë se nuk justifikonte qëllimin e lëvizjes dhe nuk plotësonte kushtet për të udhëtuar në hapësirën Schengen, i ka ofruar punonjësit të policisë 50 euro, për ta lejuar që të vijonte udhëtimin.
Mbi 22-vjeçarin rëndon akuza “Korrupsion aktiv i personave që ushtrojnë funksione publike”.
Gjithashtu, policia ka sekuestruar edhe 21.900 paund, të cilat nuk ishin deklaruar.
Në lidhje me këtë rast, autoritetet kanë proceduar penalisht një 35-vjeçare me shtetësi angleze.
E arrestuara akuzohet për “Mosdeklarim i të hollave apo sendeve me vlerë në kufi”./Re.D/Fjala.al
