Pesë persona janë arrestuar pasi dyshohet se të veshur si policë kanë tentuar të grabisnin shtëpinë e Fidel Caushit në fshatin Kropisht të Selenicës.
Ngjarja ka ndodhur dy ditë më parë ku 5 të rinjtë, Alfred Shametaj, Ervin Dhima, Lulzim Elamazaj, Endrit Sinaj dhe Enerik Meçaj të veshur si policë dhe të pajisur me armë dhe radiomarrës tentuan të grabisin shtëpinë e Caushit, por aty ata ndeshën me rezistencën e të zotit të shtëpisë dhe djalit të tij.
Në pamundësi për të vjedhur, të rinjtë janë larguar me një automjet të tipit Mercedes Benz nga fshati. Këtë të martë policia ka zbardhur ngjarjen dhe ka vënë në pranga 5 të rinjtë dhe ka sekuestruar dy automjete, automjetin e tipit Benz me të cilin autorët u larguan si dhe një automjet tjetër të tipit ‘Nissan’ me të cilin udhëtonte shtetasi Alfred Shametj në momentin e kapjes nga policia, gjithashtu u sekuestruan dhe tre celularë dhe prova të tjera materiale.
Materialet do t’i kalojnë Prokurorisë së Rrethit Gjyqësorë Vlorë, për veprime të mëtejshme, për veprat penale “Vjedhje me armë” e mbetur në tentativë, e kryer në bashkëpunim dhe “Mbajtja pa leje e armëve luftarake dhe e municionit”./Re.Gu/Fjala.al
