Dashamir Shehi është një nga drejtuesit e partive të vogla të djathta që janë në aleancë me Partinë Demokratike. Ai njihet si një nga bashkëpunëtorët më të fortë të kryetarit Lulzim Basha. Por si e njeh dhe si e përkufizon ai liderin e të djathtës dhe opozitës? Gjatë emisionit HARD TALK NGA ROLAND QAFOKU, Shehi tha se Basha nuk është Mesia por një njeri normal.
-Zoti Shehi, si e portretizoni ju Lulzim Bashën?
-Unë kam thënë që është një njeri normal. Edhe më duket vlera më e madhe për një politikan shqiptar.
-Pse është normal?
-Është normal, është njeri me shkollim të mirë.
-Pse njerëzit duhet ta shikojnë Bashën si shpëtimtarin e tyre?
-Nuk duhet ta shikojnë si shpëtimtarin. As si Mesia. Duhet ta shikojnë si një njeri normal që do përpiqet ta kthejë vendin në një rrugë normale.
-Disa thonë që ai gënjen. Ty të ka gënjyer?
-Jo. Pse çfarë jemi në, vëllai i madh me të voglin që gënjejmë njëri-tjetrin? Ne nuk shkojmë të bëjmë krushqi. Ne shkojmë të bashkojmë idetë tona./Fjala.al/Ke.Ba
