Një sulm terrorist ka ndodhur mëngjesin e sotëm në katedralen e Notre Dame, në Nicë të Francës. Mediat e huaja bëjnë me dije se tre persona kanë mbetur të vdekur dhe disa të tjerë janë plagosur.
Sulmi terrorit ka ndodhur rreth orës 9 të mëngjesit të kësaj të enjteje. Bëhet me dije se tashmë zona është rrethuar nga antiterrori dhe është arritur të bëhet i mundur vënia në pranga të autorit.
Kryetari i bashkisë së qytetit, Christian Estrosi, ka bërë një deklaratë në Twitter: ‘Unë jam me [policinë] që arrestoi autorin e sulmit. Konfirmoj se gjithçka sugjeron një sulm terrorist në Bazilikën e Notre-Dame de Nice.’
Sulmi erdhi brenda disa ditësh nga vrasja e mësuesit francez Samuel Paty, të cilit iu pre koka në Paris këtë muaj nga një ekstremist islamik, pasi ai përdori karikaturat e Profetit Muhamed në një klasë për lirinë e shprehjes./Re.gu/fjala.al
