Këngëtarja e njohur Fjolla Morina ka qenë në qendër të mediave rozë që prej momentit kur u arrestua në kufi të Kosovë-Shqipëri me dy armë zjarri me vete. Pak kohë nga arrestimi ajo deklaroi marrëdhënien e dashurisë me biznesmenin Fisnik Syla i cili i propozoi dhe për martesë.
Dhe pse me ‘arrest shtëpie’, kjo nuk e ka ndalur këngëtaren që të planifikojë dasmën. Së fundmi ajo ka ndarë një foto ku shkruan ‘po vijmë me ide dasmash’, duke na lënë të kuptojmë se do të kurorëzojë dashurinë me një dasmë.
Këngëtares pak kohë më parë iu propozua për martesë nga biznesmeni Fisnik Syla. Lajmin e bëri të ditur vetë këngëtarja ku ndau në rrjetet sociale një foto me unazën e diamantit./R.G/Fjala.al
