Mposht 1-0 Real Sociedadin. Liga e Evropës ka vijuar të enjten rrugëtimin e fazës së grupeve dhe transmetuesi publik ka sjellë në kanalin RTSH 1 edhe një nga përballjet më të spikatura, atë midis Real Sociedadit dhe Napolit.
Takimi i zhvilluar në Stadiumin “Anoeta”, ka parë vendasit të mbizotërojnë në lojë, por italianët janë mbrojtur mirë, por edhe duke rrezikuar me anë të kundërsulmeve.
Kësisoj, kjo betejë taktike ka bërë që asnjë skuadër të mos jepet dhe pjesa e parë do mbyllet me rrjeta të paprekura. Ndërkaq, pjesa e dytë ka nisur më e luftuar dhe, në minutën e 56-të, janë miqtë që do të gjejnë rrugën e rrjetës me anë të Politanos.
Gjysmëora e mbetur e lojës do të shohë spanjollët mjaft më agresivë dhe më kërkues në drejtim të portës kundërshtare, aty ku gardiani i saj, Ospina, i ndihmuar edhe nga mbrojtja e tij, nuk kanë lejuar sidoqoftë prekjen e rrjetës.
Edhe pse do ta mbyllë ndeshjen me 10 lojtarë, pasi Osimhen merr edhe kartonin e dytë të verdhë në minutat shtesë dhe del nga loja me karton të kuq, Napoli e mbron fitoren minimale, dhe gjen fitoren e parë në grup./Bl.Ba/Fjala.al
