Bashkia e Tiranës të martën në darkë është ndriçuar me ngjyrat e flamurit austriak në shenjë solidarizimi me sulmin terrorist që ndodhi dy ditë më parë.
Përmes kësaj gjetje të veçantë, edhe Tirana ka shprehur mbështetjen ndaj dhimbjes së popullit të Austrisë pas tragjedisë së një dite më parë.
“Dashuria dhe bashkëpunimi janë vlerat e vërteta njerëzore! Tirana solidarizohet me qytetin e Vjenës, duke veshur fasadën e bashkisë me ngjyrat e flamurit austriak. Sulmi i djeshëm terrorist ishte një akt i shëmtuar burracakësh – kurrë s’do ta përkulin të mirën”, shkruan Veliaj.
Tirana dhe Vjena këto 5 vitet e fundit kanë marrëdhënie të shkëlqyera duke intensifikuar bashkëpunimin në fusha të ndryshme.
Pesë persona humbën jetën dhe 22 të tjerë mbetën të plagosur mbrëmjen e djeshme në Vjenë pas një sulmi terrorist.
Pa.Va/Fjala.al
