Një dietë e ekuilibruar, e pasur me proteina, vitamina dhe minerale është hapi i parë për një trup të shëndetshëm dhe thonj më të fortë. Thonjtë janë të ndërtuar nga një lloj i veçantë proteine, e cila quhet keratinë.
Në përgjithësi kur vuani nga sindroma e thonjve të dobët, kura qëndron tek ushqyerja. Ngrënia dhe shtimi i dozave të përditshme të disa ushqimeve mund të forcojnë thonjtë në një mënyrë të natyrshme. Mes ushqyesve për një dietë të shëndetshme dhe të ekuilibruar, përmendim:
Vitamina B, për thonj të dobët- Vitamina B2 gjendet në majanë e birrës, në të verdhën e vezës, në vajin e grurit, te lakra, bizelet dhe tek kosi; vitamina B6 gjendet te orizi, toni i peshkut, vaji i lulediellit, krundet dhe te të gjithë miellrat organikë, te perimet me gjethe jeshile, bizelet, te kumbullat dhe bananet. Ndërsa karotat, domatet, marulet, mëlçia, mishi i lopës, kikirikët, arrat, bizelet dhe fasulet janë burime të mira të biotinës. Vitamina B12, në fakt, gjendet te mishi, vezët dhe në produktet e qumështit si qumështi, kosi dhe djathi.
Më shumë hekur për thonj të hollë ose sipërfaqe të parregullt- Hekuri gjendet veçanërisht te perimet e freskëta, te mishi i kuq, i bardhë dhe tek arrat. Por ushqimet më të pasura me këtë mineral janë mëlçitë e gjedhëve, levreku, mishi i kalit, por edhe bishtajoret, të tilla si thjerrëzat dhe bizelet. Një lajm i mirë në këtë drejtim: edhe çokollata e errët përmban një sasi të vogël hekuri.
Vitamina A dhe kalcium për thonj të thatë- Vitamina A gjendet në të gjitha perimet me ngjyrë jeshile dhe portokalli; ndërsa ushqimet e pasura me kalcium janë të gjitha produktet e qumështit.
Omega 3 për thonj që thyhen lehtësisht- Ushqimet më të pasura me acid omega 3 janë salmoni, levreku, merluci, por edhe vezët, si dhe perimet me gjethe jeshile, përveç sojës dhe derivateve të saj. Një këshillë e mirë është që të hani bajame dhe arra, por të mos e kaloni masën.
Ja disa këshilla për të pasur thonj të shëndetshëm:
-Pini shumë ujë. Konsumimi i rregullt i ujit është i rëndësishëm për të siguruar lagështinë e duhur për thonjtë;
-Ndiqni një ushqyerje të ekuilibruar;
-Mos i mbani duart për një kohë të gjatë në ujë;
-Shmangni kontaktin direkt të duarve me detergjent acidë./Bl.Ba/Fjala.al
