Janë të shumta rastet kur presidenti Donald Trump është përplasur me gazetarët amerikanë gjatë konferencave për shtyp. Por janë po aq të shumta përplasjet e kryeministrit Edi Rama gjatë debateve me gazetarët në studio televizive. Por a e ka kopjuar Edi Rama, Donald Trump me këtë mënyrë komunikimi? Ish-Ambasadori i Shqipërisë në SHBA Agim Nesho deklaroi në HARD TALK NGA ROLAND QAFOKU, se ka një ngjashmëri midis tyre.
-Rama a e kopjon Trumpin në raport me gazetarët?
-Po. Tani nuk dihet kush është origjinali, por këto janë taktika elektorale sidomos të njerëzve që nuk kanë përmbajtje të madhe por janë shumë ekspresivë që matin nga performanca e tyre mediatike. Rama merr Trumpin si model, por është pak më i avancuar sepse i fut në një kazan të madh dhe i përzien aty të gjithë. Trumpi thotë “fake news”, janë çështje të PR të telekomunikacionit modern, sepse jo të gjithë lexojnë, kanë mundësi. Mjetet e komunikimit sot janë afërsia e shkëmbimit të informacionit me teknologji dhe rrjetet sociale./Fjala.al/Ke.Ba
