Vijon ping- pongu mes Ramës dhe Bashës! Kreu i PD i është përgjigjur sërish kryeministrit, duke e akuzuar si zëdhënës të Beogradit. Ndërkaq vijon akuzat se sipas tij të sëmurët dergjen nëpër ambulanca sepse spitalet janë mbushur plot.
“Në vend që të bëjë detyrën, Edi Rama bën zëdhënësin e Beogradit. Ai është përgjegjës për jetët e humbura dhe shëndetin e shqiptarëve.
Të sëmurët dergjen nëpër ambulanca sepse spitalet janë mbushur plot. Pasi shkatërroi ekonominë ai ka humbur kontrollin mbi pandeminë“, shkruan Basha.
E menjëhershme ka qenë përgjigja e kryeministrit Edi Rama për kreun demokrat Lulizm Basha, ndonëse ky i fundit nuk i është përgjigjur për Raportin e Dick Marty.
Rama i bën thirrje të thotë të vërtetën, ndërsa e pyet nëse ka përdorur maskë qysh atëherë, kur sipas tij merrte në pyetje shqiptarët për llogari të zotit Dick.
“Pse Beogradi nuk e donte raportin e Dick Marty prandaj e miratuat ju Lulëzim! Dhe meqë ra fjala a është e vërtetë që ke përdorur maskë qysh atëherë, kur merrje në pyetje shqiptarët për llogari të zotit Dick apo edhe kjo është sajesë e Beogradit? Fol Lulēzim, thuaje të vërtetën”, shkruan Rama./Bl.Ba/Fjala.al
