Ministrja e Financave, Anila Denaj është infektuar me Covid-19. Lajmin e ka bërë vetë të ditur ministrja përmes një postimi në rrjetin e saj social Facebook.
Ndër të tjera ajo shkruan se pas rezultatit pozitiv është karantinuar dhe po ndjek udhëzimet e mjekëve.
“Të dashur miq, pas testimit për COVID 19, ju informoj se kam rezultuar pozitive.
Aktualisht jam karantinuar, duke ndjekur udhëzimet e mjekëve për hapat e mëtejshëm dhe trajtimin gradual të sëmundjes.
Ju ftoj të gjithëve, të zbatojmë rregullat e higjienës dhe të mbajmë maskën duke ruajtur distancën sociale. Ju uroj shëndet të plotë!”, shkruan Denaj./Bl.Ba/Fjala.al
