NASA ka bërë deklaratën e fortë se në galaktikën tonë janë të paktën 300 milionë planet të banueshëm.
Teleskopi Hapësinor Kepler i agjencisë hapësinore amerikane kaloi nëntë vjet në një mision “gjuetie planetësh”, duke identifikuar me sukses mijëra ekzoplanetë në galaktikën tonë para se të mbaronte karburanti në vitin 2018.
Por pyetja thelbësore e misionit origjinal mbeti: sa prej këtyre planetëve janë të banueshëm?
Shkencëtarët në të gjithë botën u morën me të dhënat e Kepler për vite me radhë – dhe ata mendojnë se e kanë gjetur përgjigjen, shkruan CNN. Sipas studimit të publikuar në The Astronomical Journal, ekzistojnë afërsisht 300 milionë “planetë potencialisht të banueshme” në galaktikën tonë, që do të thotë planetë shkëmborë të aftë të përmbajnë ujë në sipërfaqen e tyre.
Kjo shifër është një vlerësim i përafërt dhe “mund të ketë shumë më tepër”, tha NASA në një njoftim për shtyp.
Disa nga këta planetë mund të jenë mjaft afër për t’u konsideruar “fqinjë ndëryjor” – më i afërti është rreth 20 vjet dritë larg.
Studimi thuhet se ishte një bashkëpunim global midis shkencëtarëve të NASA-s që punuan në misionin Kepler dhe studiuesve nga agjencitë ndërkombëtare duke filluar nga Brazili në Danimarkë./r.g/Fjala.al
