Mposht 3-0 Pogradecin dhe siguron vendin në çerekfinale të Kupës së Shqipërisë. Në një të premte të mbushura me të papritura, Skënderbeu ka ruajtur përqendrimin dhe gjakftohtësinë, duke mos gabuar në derbin e prefekturës përballë Pogradecit dhe duke fituar me rezultatin 3-0.
Një gol në çerekorën e parë të pjesës së parë dhe dy gola në të dytën u kanë mjaftuar korçarëve të korrnin një fitore komode dhe, bashkë me të, edhe vendin në çerekfinale të Kupës së Shqipërisë. Në fakt, vendasve iu deshën vetëm 13 minuta lojë për të kaluar në epërsi me anë të Berishës.
Me këtë epërsi minimale të Skënderbeut është mbyllur pjesa e parë, ndërsa edhe e dyta do të flasë për korçarët, të cilët do të gjejnë golin e dytë në minutën e 57-të, me anë të futbollistit ganez, Alfred Mensah. Vetëm 9 minuta më pas, do të jetë sërish futbollisti 21-vjeçar nga Afrika që do të gjejë rrugën e rrjetës për vendasit.
Ai ka firmosur kështu edhe dygolëshin e tij personal në këtë takim. Gjysmëora e mbetur e ndeshjes nuk do të sjellë më gola të tjerë dhe Skënderbeu mund Pogradecin 3-0 dhe mbetet në luftë në të dy frontet për trofe në futbollin shqiptar, si në kampionat, ashtu edhe në Kupën e Shqipërisë.
Pa.Va/Fjala.al
