Në konferencën e përjavshme për shtyp, presidenti Ilir Meta është shfaqur për herë të parë me maskë në fytyrë për t’u mbrojtur nga Covid 19, duke dalë “kundër” predikimeve të bashkëshortes së tij, Monika Kryemadhi, e cila vijon të mos e njohë këtë sëmundje.
Vetë Kryemadhi ka pranuar se Meta i mban distancë sociale në shtëpi bashkëshortes së tij. Ndërsa Meta i bën thirrje edhe qytetarëve që ta mbajnë maskën.
“Unë e kam pasur tmerr dhe e kam tmerr të mbaj maskë, por në momentet aktuale për të mos lënë asnjë hapësirë për spekulim jam i detyruar të vendos maskën dhe i bëj thirrje të gjithëve të mbajnë maskë.
Kjo ka të bëjë me mesazhin që duhet ti japim qytetarëve që në kushtet kur qeveria po kujdeset për disa oligarkë qytetarët të kujdesen për veten e tyre për të ruajtur njeri tjetrin. Kryeministri na mbushi mendjen tre muaj që maska ishte pa vlerë. Ai duhet të bëjë çdo gjë që qytetaret të kenë maska.
Nëse e shikoni si reflektim timin, kjo pozitive është. Shpresoj që edhe të tjerët të reflektojnë që nga këto ligjet që bëjnë për oligarkët që dëmtojnë shqiptaret dhe deri tek tensionimet artificiale të kësaj situate që kërkon një përgjegjshmëri tjetër” ,tha Meta./Bl.Ba/Fjala.al
