Presidentja e Komisionit Europian Ursula Von der Leyen ditën e sotme ka zhvilluar një bisedë telefonike me kryeministrin shqiptar Edi Rama.
Me anë të një postimi në rrjetet sociale ajo ka zbuluar edhe çështjet për të cilat ka diskutuar me Ramën.
Presidentja e KE shkruan se me kryeministrin shqiptar u diskutua mënyra më e mirë për të ecur përpara në procesin e zgjerimit dhe zbatimin e shpejtë të Planit Ekonomik dhe të Investimeve të BE-së për Ballkanin Perëndimor.
“Diskutim konstruktiv si gjithmonë me mikun tim të mirë Kryeministrin e Shqipërisë, Edi Rama, për mënyrën më të mirë për të ecur përpara me procesin e zgjerimit dhe zbatimin e shpejtë të Planit Ekonomik dhe të Investimeve të BE-së për Ballkanin Perëndimor”, shkruan Von der Leyen.
l.m/Fjala.al
