Në vitin 1945, për 24 drejtuesit e lartë të Gjermanisë Naziste Gjykata e Nurembergut atashoi vetëm 4 akuza. Ndërsa Gjykata Speciale e Hagës ka vendosur 10 akuza ndaj ish-liderëve të UÇK-së. Dhe për më tepër që nazistët e akuzuar ishin përgjegjës për 50 milion viktima, ndërsa pjesëtarët e UÇK-së luftuan për lirinë e Kosovës pas genocidit serb që shpërnguli 1 milion shqiptarë nga shtëpitë e tyre. Përse ky disproporcion? Ish-ambasadori Arben Çejku shpjegon për emisionin HARD TALK NGA ROLAND QAFOKU këtë dallim.
-Në gjykatën e Nurembergut kishte vetëm 4 akuza ndërsa në Hagë 10 akuza. Ç’po ndodh?
-Raporti i Dick Martyt ishte një raport monstruoz që synonte realisht të prishte imazhin e Kosovës dhe të shiptarëve. Kjo gjykatë po përpiqet ta formalizojë në një farë mënyre por dështimin e saj të parë e ka tek ngritja e akuzës për trafikun e organeve dhe këto akuza që kanë ndërtuar në këtë mënyrë duke u përpjekur të krijojnë një grup të strukturuar kriminal që ka vepruar në bashkëveprim me njëri-tjetrin është një akuzë në kushtet e një lufte guerile ku kishte disa komanda lokale dhe nuk është se kishte autoritet real të tyre në Kosovë. Nuk dua të bëj patriotin fals. Unë besoj te fjalët e tyre dhe jam i bindur që me provat që do ofrojë mbrojtja gjykata do të zgjasë.
-Sa parashikohet të zgjasë?
-Besoj që dy-tre vjet do shkojë./Fjala.al/Ke.Ba
