Pas katër vitesh hamburgerësh, biftekësh dhe ushqimi ”fast food”, makaronat kthehen në kuzhinën e Shtëpisë së Bardhë.
Presidenti i sapozgjedhur, Joe Biden kurrë nuk e ka fshehur pasionin e tij për ‘spagetit’, veçanërisht ”i çmendur” për ato me salcë domatesh.
“Makaronave me salcë domate ai nuk i reziston”, tha ish-presidenti i SHBA, Barack Obama në një bisedë me Kamala Harris, në atë kohë kandidat demokrat për zëvendës-presidente gjatë fushatës elektorale.
Kujt ia detyron Joe Biden ‘italianizmin’ e tij? Sigurisht gruas së tij Jill, një italo-amerikane. Zonja e Parë e ardhshme, e para italo-amerikane në histori, ka rrënjë siçiliane, për të qenë të saktë në Gesso, një fshat i vogël në kodrat e Mesinës.
Siç kanë shkruar disa media amerikane, zonja Biden zakonisht gatuan ushqime tradicionale italiane si ato me të cilat ishte mësuar në fëmijëri./Bl.Ba/Fjala.al
