Gjykata e Fierit ka vendosur “arrest me burg, për Fatmir Hoxhaj, i arrestuar për vrasjen e Ahmet Toskës.
Hoxhaj në Gjykatë nuk ka pranuar autorësinë duke theksuar se është i pafajshëm dhe për të s’ka prova.
Ai pretendoi se atë ditë është ngritur nga gjumi në orën 08.00, ndërkohë që vrasja ka ndodhur në orën 06.00.
“Atë ditë jam ngritur nga gjumi në orën 8. Nuk ka prova që jam unë autori”, ka deklaruar ai para gjykatësve, duke mohuar krimin.
Në hyrje të gjykatës ndodheshin familjaret tij, të cilët i kanë folur të ndaluarit italisht dhe shqip, pasi jetojnë në Itali.
Kujtojmë se rreth orës 06:00 të 26 tetorit, në lagjen “Sheq i Madh” në Fier, Ahmet Toska 50 vjeç, u ekzekutua me armë zjarri, teksa po shoqëronte gruan për në punë.
Ngjarja ndodhi pranë banesës së tij dhe autori fill pas krimit u largua nga vendngjarja./Bl.Ba/Fjala.al
