Kryeministri Edi Rama ka uruar kryeinfermieren e Spitalit infektiv, Merita Sefa e cila feston sot ditëlindjen në krye të detyrës duke luftuar në vijën e parë të luftës me pandeminë. Rama vlerëson punën e saj të palodhur duke iu përkushtuar të sëmurëve.
Kryeministri shkruan se Merita e ka bërë natën ditë duke sakrifikuar jetën e saj për të sëmurët, dhe për të kjo e kthen atë në një heroinë të mjekësisë.
“Edhe 100 Merita! Në këtë të premte, që shënon ditën e saj të lindjes, Merita Sefa, Kryeinfermierja e Përgjithshme e Spitalit Infektiv Covid1, ndodhet në vijën e parë të betejës për të shpëtuar me gjithësej energjitë dhe përpjekjet njerëzore, sa më shumë jetë në rrezik.
Është kënaqësi për mua si Kreu i Qeverisë, që t’i uroj këtë ditë të veçantë një prej heronjve të mjekësisë, që e kanë bërë natën ditë, duke sakrifikuar shumë nga e përditshmja e tyre, për t’u shërbyer në çdo orë, pa pushim e pa kursim, me një dedikim të admirueshëm, pacientëve me covid19″, shkruan Rama.
Pa.Va/Fjala.al
