Video e publikuar të shtunën nga gazeta “Fjala.al” që tregon ekzekutimin e disa personave civil nga trupat paramilitare serbe ka thyer çdo rekord shikueshmërie.
Kjo video shkon përkundër idesë së atyre që tentojnë të njollosin luftën çlirimtare dhe të drejtë të UÇK-së dhe përpjekjen e popullit shqiptar për liri.
Gjykimi në Hagë i komandantëve të UÇK-së është një padrejtësi ndaj dëshmorëve të rënë dhe mijëra civilëve të vrarë e të masakruar, është padrejtësi ndaj mijëra grave të dhunuara dhe qindra e mijëra shqiptarëve tjerë të dëbuar nga atdheu i tyre.
UÇK-ja në mënyrë heroike ka qenë një faktor shumë i rëndësishëm për popullin tonë, një faktor moral, i cili nuk ra në kurthin e serbëve që ta paraqiste atë si terroriste.
Video e publikuar ekskluzivisht nga “Fjala.al” denoncon para të gjithë botës së civilizuar e demokratike se “ndërmarrja e organizuar kriminale” nuk ishte Ushtria Çlirimtare e Kosovës, por makineria ushtarake dhe policore e Serbisë, e cila vrau, masakroi, dhunoi, terrorizoi dhe bëri gjenocid në Kosovë.
Krerët e Ushtrisë Çlirimtare të Kosovës, pikërisht ata persona që luftuan për liri dhe dinjitet njerëzor, gjenden sot në Hagë, ndërsa kriminelët dhe ideatorët e luftës më tragjike të fundshekullit XX, jetojnë në liri të plotë.
Andaj, çdo përpjekje që ka për qëllim për ta njollosur sakrificën e popullit shqiptar për liri, si e tillë është e padrejtë dhe e papranueshme për mbarë kombin shqiptar.
Kujtojmë se prokuroria akuzon Thaçin, Veselin, Krasniqin dhe Selimin për kryerjen e krimeve të luftës ndaj qindra civilëve dhe personave që nuk merrnin pjesë aktive në luftime.
Në aktakuzë pretendohet se nga marsi i vitit 1998 deri në shtator të 1999, Hashim Thaçi, Kadri Veseli, Rexhep Selimi, Jakup Krasniqi dhe anëtarë të tjerë të “ndërmarrjes së përbashkët kriminale kanë ndarë qëllimin e njëjtë për të marrë dhe ushtruar kontrollin në gjithë Kosovën me të gjitha mjetet, përfshirë edhe frikësimin, keqtrajtimin, ushtrimin e dhunës dhe eliminimin e atyre që i konsideronin kundërshtarë”.
Prokuroria pretendon se viktimat ishin kryesisht njerëz që gjatë kohës së luftës perceptoheshin si bashkëpunëtorë të forcave serbe, të zyrtarëve apo institucioneve shtetërore apo edhe që nuk mbështesnin qëllimet e UÇK-së./Re.D/Fjala.al
https://fb.watch/1UTsO5CT_0/
