Tottenham Hotspur ka fituar me rezultatin 2-0 ndaj Manchester Cityt në ndeshjen e vlefshme për javën e nëntë në Premier League.
Ekipi i Jose Mourinhos është treguar më racional se ekipi i Pep Guardiolas duke i shfrytëzuar të gjitha rastet. Pjesa e parë e ndeshjes u karakterizua me lojë më të mirë të Cityt, por ishin vetëm vendasit që gjeten golin.
Spurs arritën të shënojnë pas vetëm pesë minutave lojë me anë të Heung-min Son për 1-0 pas asistit të Tanguy Ndombele.
City arriti të kthehet në lojë duke barazuar 1-1 me anë të Aymeric Laporte (27’), por VAR-i anuloi si të parregullt golin dhe Spurs shkuan në pushim me epërsi.
Në pjesën e dytë, përsëri City bënte lojën, qarkullonte topin dhe krijonte rastet, por vendasit ishin më konkret duke shënuar edhe një gol dhe fituar ndeshjen.
Ishte argjentinasi Giovani Lo Celso (65’), i cili shënoi për 2-0 pas vetëm 35 sekondave lojë falë një asistimi të Harry Kane.
Pa.Va/Fjala.al
