Çerdhja numër dy në Vlorë është mbyllur nga Inspektoriati Shëndetësor, pasi një punonjës rezultoi pozitiv me Covid.
Po ashtu mësohet se tre punonjës të tjerë kanë shfaqur simptoma, ndërsa pjesa tjetër e stafit është në pritje të tamponit. Çerdhja do të qëndrojë e mbyllur deri në datë 5 dhjetor.
Kujtojmë se ky është institucioni i katërt që mbyllet në Vlorë. Aktualisht të mbyllura qëndrojnë për shkak të infektimit të personave me COVID edhe dy kopshte në Vlorë dhe një kopsht në Orikum.
Lorenc Rexho, kreu i ISHSH ne Vlorë ka kërkuar respektim të masave, ndërsa ka theksuar se në këtë çerdhe është bërë mbyllja për shkak të situatës se krijuar, ndërsa janë të mbyllura disa institucione, kopshte të tjera në Vlorë.
Ndërkohë në qytetin e Vlorës ditën e djeshme ka pasur 7 raste pozitive. Ndërkohë që nga fillimi i pandemisë në këtë qark janë infektuar 801 persona./Bl.Ba/Fjala.al
