Pas kryeministrit Rama, edhe ministrja e Shëndetësisë Ogerta Manastirliu mëngjesin e kësaj të marte e ka nisur me pamje nga spitali Covid 4.
Manastirliu përmes një postimi në rrjetin social Facebook shkruan se tashmë Covid 4 është i pajisur me të gjithë aparaturat dhe infrastrukturën e nevojshme për të qenë në shërbim të pacientëve me koronavirus.
Ndër të tjera ministrja i ka bërë apel qytetarëve që të zbatojnë masat kufizuese dhe të ndihmojnë mjekët dhe infermierët që të shmangim këtë sëmundje që ka përfshirë prej muajsh gjithë botën.
“Këto pamje që shihni i përkasin spitalit COVID4, plotësisht i pajisur me aparatura dhe infrastrukturën e nevojshme. Sipas planit të përgatitur për burimet njerëzore, me prof. Krenar Lilën, prof. Arben Gjatën dhe stafin drejtues të QSUT, do të vihet në funksion spitali i ri, pjesë e përgjigjes tonë për përballimin e kësaj lufte të ashpër kundër virusit të rrezikshëm #covid19.
T’u japim një dorë mjekëve e infermierëve tanë në vijën e parë të betejës, duke mos neglizhuar rregullat në përditshmëri, #MASKA? #DISTANCA↔️ #HIGJIENA? për të mos lejuar virusin e rrezikshëm, të na dëmtojë njerëzit e dashur”, shkruan Manastirliu./Bl.Ba/Fjala.al
