Ugur Sahin, njeriu i cili ka zgjuar shpresat e të gjithë botës me krijimin e vaksinës anti-Covid, emigroi në moshën 4-vjeçare në Gjermani. Ai tashmë është partneri themelues i kompanisë me bazë në Gjermani ‘BioNTech’.
‘BioNTech’ është një nga 17 kompanitë më të mëdha në mbarë botën e cila po punon për zhvillimin e një vaksine efikase ndaj Covid-19. Drejtori gjeneral i kompanisë bio-teknologjike gjatë një interviste për Wall Street Journal ka thënë se do të jetë i nevojshëm testimi para se vaksina të përdoret.
Sipas Sahin, virusi tashmë është përhapur në masë të gjerë dhe janë infektuar shumë persona dhe sipas tij, kjo është arsyeja se ndoshta do të duhen dhjetë vite që të arrihet imuniteti i tufës.
“Konsideroj se imunitetin mund ta arrijmë nëse mbi 90% e popullatës është imune”, ka shtuar eksperti Sahin.
Sipas tij, arritja e këtij qëllimi është e mundur nëse prodhues të ndryshëm të njëjtën kohë ofrojnë në treg vaksina të ndryshme.
Eksperti Sahin shton se për arritjen e këtij qëllimi, nevojiten shumë prodhues të ndryshëm që do të ofrojnë në treg vaksina të ndryshme./r.g/Fjala.al
