Dhurata Çupi është një nga politikanët e njohur atë PD me profesionin jurist. Më shumë se një herë ajo ka deklaruar se reforma në drejtësi e realizuar deri tani është e kapur nga kryeministri Edi Rama. Por çfarë do të bëjë PD me reformën në drejtësi nëse kjo forcë politike vjen në pushtet? Gjatë emisionit HARD TALK NGA ROLAND QAFOKU ish-deputetja dha këto detaje:
-Si një juriste me profesion, a mund të thoni se çfarë do të bëjë PD nëse vjen në qeveri me reformën në drejtësi?
-Ne nuk kemi qenë kundër reformës në drejtësi, nuk jemi, nuk kemi qenë dhe nuk do të jemi. Ne kemi qenë kundër kapjes së drejtësisë. Së një kryeministri që bën gjithçka për të mos u hetuar.
-Si e vërtetoni ju këtë?
-E kemi thënë me prova dhe me fakte. Gjithë procedura ligjore që u bë më pas. Ajo është votuar me 140 vota dhe më pas të gjithë ligjet që pasuan, përpjekjet e Ramës për ta kompromentuar reformën në drejtësi, kanë qenë tashmë publike. Të paktën janë dy dosje, dosja 184 dhe 339 që vazhdojnë të mbeten në sirtarët e drejtësisë./Fjala.al/Ke.Ba
