Ambasadori i Bashkimit Europian në Shqipëri ka kujtuar 26 nëntorin, ndërsa sot shënohet një vit nga tërmeti tragjik.
Në një postim në rrjetet sociale, Soreca e cilëson si tërmetin më shkatërrues në Shqipëri me 51 jetë të humbura, ndërsa kujton solidaritetin e BE dhe shteteve anëtare.
“Më 26 nëntor 2019 Shqipëria u godit nga një tërmet shkatërrues. Një vit më pas, ne kujtojmë 51 viktimat e asaj dite të tmerrshme dhe solidaritetin e BE dhe shteteve anëtare ndaj popullit shqiptar. Tani ne punojmë për rindërtimin! Së bashku më të fortë!”, shkruan ambasadori.
Si sot një vit më parë Shqipëria u trondit nga tërmeti më i fuqishëm ndër dekada. Ishte ora 03:56, kur një lëkundje e fuqishme me magnitudë 6.4 të shkallës rihter, që zgjati për rreth 50 sekonda, goditi Durrësin dhe Tiranën, duke iu marrë jetën 51 personave dhe plagosur plot 913 të tjerë.
Pasojat e këtij tërmeti tronditës ishin akoma më tragjike, pasi u prekën plot 202 mijë njerëz, teksa u shkatërruan qindra banesa./Bl.Ba/Fjala.al
On 26 November 2019 #Albania??was hit by a devastating earthquake. One year after, we remember the 51 victims of that terrible day and the #solidarity of the #EU??and Member States towards the Albanian people. Now we work to #BuildBackTogether! #StrongerTogether #EUforAlbania???? pic.twitter.com/OYcMfRsEuG
— Luigi Soreca?? (@LSorecaEU) November 26, 2020
